Астанада есік сындырып, бүреудің көлігін тепкілеген бұзақылар жазаланды
Жыл басынан бері сондай 270-тен аса адам жауапқа тартылған
Астана полицейлері жатақхана есігін сындырып, көлікті тепкілеген бұзақыларды тауып, жауапкершілікке тартты, деп хабарлайды Malim.kz.
Астана әкімдігі ресми сайтының мәлімдеуінше, 12 қараша кешкісін университет ғимаратында ашуға булыққан 32 жастағы ер адам ағаш есікті ұрып, зақымдаған.
17 қарашаға қараған түні 37 жастағы азамат полиция ғимаратында кезекші бөлімде қолымен терезені сындырған.
18 қараша кешкісін 42 жастағы азамат біреудің көлігіне зақым келтірген. Бірнеше сағаттан кейін 36 жастағы басқа адам мас күйінде басқа ауданда да көлікті зақымдаған.
Олардың барлығы бөтеннің мүлкін қасақана бүлдіргені үшін әкімшілік жауапкершілікке тартылған. Ал келтірілген залал көлемі 200 АЕК немесе 690 мың теңгеден аспайды, деп жазылған әкімдік мәлімдемесінде.
Жыл басынан бері сот бөтеннің мүлкін қасақана бүлдіргені үшін, жалпы пайдалану орындарын ластағаны үшін, ғимараттар мен тұрғын үй-жайларды бүлдіргені үшін 270-тен астам адамды жазалаған.
Фото: видеодан скриншот
Байланысты жаналықтар
MalimBlocks
