Шымкентте жүзден аса науқас мүгедектігін анықтау сараптамасына жіберілмеген
Медицина ұйымдарының 42 қызметкері жауапқа тартылды
Шымкентте қатерлі ісікпен ауыратын науқастардың құқықтары қалпына келтірілді, деп хабарлайды Malim.kz.
Шымкент қаласы прокуратурасының мәліметінше, прокуратура медициналық ұйымдардың 103 науқастың мүгедектігін анықтау үшін оларды медициналық-әлеуметтік сараптамадан өтуге жібермеу фактілерін анықтаған.
Қадағалау актісі бойынша 18 науқасқа мүгедектік белгіленіп, әлеуметтік көмек көрсету құқығы қалпына келтірілді. Қалғандарына қатысты медициналық диагностикалық шаралар жүргізіліп жатыр, деп жазылған прокуратура мәліметінде.
Заңбұзушылықтар үшін медициналық ұйымдардың 42 медицина қызметкері, оның ішінде 14 басшы тәртіптік жауапкершілікке тартылған.
Фото: freepik.com
