Қаржы министрлігінің Мемлекеттік кірістер комитеті қазақстандықтарға ведомство басшылығының атынан жіберілген жалған хабарламалар саны артқанын ескертті, деп хабарлайды Malim.kz.
«Хабарламаларды интернет-алаяқтар WhatsApp және Telegram арқылы таратып отыр», - деп жазылған хабарламада.
Осыған байланысты Мемлекеттік кірістер комитеті азаматтарды сақ болуға шақырады және мынадай кеңестер береді:
- күмәнді хабарламаларға сенбеу;
- бөгде сілтемелерге өтпеу;
- белгісіз тұлғаларға ақша аудармау;
- алынған хабарламалардың шынайылығын міндетті түрде тексеру керек.
Фото: pixabay
