Адам зорлады: Қаскелеңде сот ғимаратынан күдікті қашып кетті

1 сәуірде Алматы облысында аудандық сот ғимаратынан зорлау бойынша күдікке ілінген адам тергеу барысында қашып кеткен, - деп хабарлайды Мalim.kz тілшісі. 

Әлеуметтік желілерде облыста "Сирена" арнайы жоспары енгізілгені, патрульдер күшейтіліп, бақылау посттары орнатылғаны туралы ақпарат таралды.

Malim.kz редакциясы Алматы облысының полиция департаментіне бұл жағдайға қатысты сауал жолдады.

"Тергеудегі М. есімді адамның қашып кету дерегі бойынша қылмыстық іс қозғалды. Қашқынды ұстау бойынша кешенді шаралар жүргізіліп жатыр. Сонымен қатар, оқиғаның барлық мән-жайын анықтау үшін қызметтік тергеу жүргізу тапсырылды. Азаматтардан сабыр сақтап, іздеуде жүрген ер адамның қайда екені туралы мәлімет білсе, дереу 102 нөміріне хабарласуын сұраймыз", - делінген хабарламада.

Фото: Pixabay.com