Алматыда 27 наурыз күні таңертең 19 жастағы қыз 9-қабаттың терезесінен құлап, оқиға орнында көз жұмды, деп хабарлайды Malim.kz.
Полиция оқиғаға қатысты «Өз-өзіне қол жұмсауға итермелеу» бабы бойынша қылмыстық іс қозғалғанын мәлімдеді.
Қайғылы оқиғаның себептері әлі анықталған жоқ. Көршілерінің айтуынша, қыз оқиға алдында жігітімен жанжалдасып қалған. Куәгерлер оның құлау сәтінде қолында телефоны болғанын айтады.
Алайда марқұмның таныстары бұл нұсқаны жоққа шығаруда. Олардың айтуынша, қыз жігітімен емес, Қадір түнін қарсы алу үшін жиналған құрбыларымен бірге болған.
Құқық қорғау органдары оқиғаның барлық мән-жайын анықтау үшін тергеу жұмыстарын жалғастыруда.
Фото: Pixabay.com
Байланысты жаналықтар
MalimBlocks
