Алматыда университет жатақханасы бизнеске жалға берілген
Алматы аудан прокуратурасы Сәтбаев атындағы Қазақ ұлттық зерттеу техникалық университетіне (ҚазҰЗТУ) жатақхананы қайтарды, - деп хабарлайды Malim.kz тілшісі.
Түрксіб ауданының прокуратурасы "Қаныш Сәтбаев атындағы Қазақ ұлттық техникалық зерттеу университеті" КЕАҚ мүлкін заңсыз иеліктен шығарылғанын анықтады.
"Тұрғын-үй алаңының жетіспеушілігіне қарамастан, университеттің бұрынғы басшылығы тиісті тендер ұйымдастырмастан және өткізбестен жалпы ауданы 2500 м2 астам жатақхананы жеке ЖОО-ға заңсыз жалға пайдалануына берген", - делінген хабарламада.
Кейіннен мәміле жасасу кезінде қолданыстағы заңнама талаптарын бұза отырып ЖОО осы үй-жайды сатып алған.
Бүгін әкімшілік корпустың жатақханасы мақсатына қарай пайдаланылмай, бизнестің түрлі салаларының қызмет көрсетуіне жалға берілген.
Соттардың заңды күшіне енген шешімдерімен, Түрксіб ауданы прокуратурасының талап-арызы бойынша даулы әкімшілік ғимараты ұлттық университетке қайтарылды.
Еске салайық, былтыр Алматыда жатақхана тапшылығына байланысты студенттерді орналастыруда қиындықтар болған. Сол кезде премьер-министр Олжас Бектенов оқу жылының басына дейін барлық білім беру нысандарын толық дайындау қажеттін айтқан болатын. Үкімет басшысы сондай-ақ жатақханадағы орын тапшылығы мәселесінің өзектілігін атап өтіп, бірде-бір студент баспанасыз қалмауға тиіс екенін мәлімдеген.
Фото:gov.kz
Қазақстандағы жаңа ұлт: орыстілді қазақ пен қазақтың арасы алшақтап бара ма?
Ең көп оқылған
