«БАҚ-тағы ақпаратты растамайды». Ресей министрі қара жәшік жазбалары жайлы айтты
Ақтаудағы ұшақ апатына негізінен Ресей аумағындағы шабуыл себеп болғаны айтылған еді
Ресей Сыртқы істер министрі Сергей Лавров Ақтау маңында құлаған әзірбайжандық жолаушылар ұшағының қара жәшіктеріндегі жазбалардың бұқаралық ақпарат құралдарында жарияланған деректердің бір бөлігін растамайтынын мәлімдеді. Бұл туралы ресейлік РБК жазды, деп хабарлайды Malim.kz.
Ресей Сыртқы істер министрі Сергей Лавров «ахуалды ушықтырмауға» шақырып, толыққанды тергеу нәтижелерін күту керектігін айтқан. Әзірбайжанның сұранысымен қара жәшіктер Бразилияға жіберілген еді.
Бразилияда арнайы кездесу өтті, қара жәшіктер ашылды. Олардың мазмұны көптеген қызықты мәліметтер берді, бұл мәліметтер қара жәшіктерден алынған ақпараттың бұқаралық ақпарат құралдарында тараған деректермен салыстырғанда көп жағдайда расталмайтынын тағы да айқындап отыр. Сондықтан толыққанды тергеудің нәтижесін күту қажет, қазір медиа кеңістікте ахуалды ушықтырмауға шақырамын, деді ол.
Айта кетейік, бұған дейін Астанаға авиациялық оқиғаны тергеу жөніндегі комиссия мүшелері борттық өздігінен жазғыштардан («қара жәшіктерден») алынған материалдарды алып келетіні әлдеқашан мәлім болған еді.
Фото: ТЖМ
