«Қазір ештеңе жұбатпайды». Ләйлә Сұлтанқызы Ақтау маңында болған ұшақ апаты туралы айтты
Ол апатқа ұшыраған жандардың жақындарына көңіл айтқан.
Отандық танымал тележүргізуші Ләйлә Сұлтанқызы 25 желтоқсанда Ақтау маңында болған ұшақ апатына қатысты жазба жариялады, деп хабарлайды Malim.kz.
Ләйлә Сұлтанқызы жақындарына асыққан жандардың қайғылы жағдайға тап болғанына өкінішін жеткізді.
Біреу үйіне жаңа жылды қарсы алуға бара жатты. Біреуді жұмысына анасы шығарып салды. Біреу саяхаттап шыққан шығар. Біреу ғашығына асықса ше? Біреуді достары күткен болар. Біреу ата-анасына, бала-шағасына, жарына жете алмай қалды-ау. «Ажал айтып келмейді» дейміз ғой, бірақ жақынын жоғалтқан адамды ештеңе қазір жұбатпайды. Өте үлкен психологиялық көмек қажет. 67 тағдыр… Қазір құтқарушылар, дәрігерлер қолдан келгенше көмек беруде, - деп жазды тележүргізуші.
Айта кетейік, 25 желтоқсан күні Бакуден Грозныйға ұшып шыққан әуе кемесі Ақтау маңында апатқа ұшырады. Салдарынан 38 адам қайтыс болып, 29-ы аман қалды.
Фото:instagram.com/sultankyzy
