Алматы облысында Талғар өзені тасып, тас жолды су басты
Жергіліктің әкімдік мұны кешегі жауған жауын-шашын мен таудағы қардың еруінен деп түсіндіріп отыр.
Алматы облысындағы Талғар өзені арнасынан асып, тас жолға су жайылған, деп хабарлайды Malim.kz КТК телеарнасына сілтеме жасап.
Ағысы қатты су жақын маңдағы қиыршық тас өндіретін карьерлерге де жеткен.
Жергіліктің әкімдік мұны кешегі жауған жауын-шашын мен таудағы қардың еруінен деп түсіндіріп отыр. Қазір көпірдегі қозғалыс шектеліп, өзен арнасы тереңдетіліп, нығайтылып жатыр. Дегенмен Құлжа трассасындағы айналма жол мен Талғар – Есік - Бәйдібек би жолдарында көлік қозғалысы тоқтатылмады.
Тұрғындардың қауіпсіздігін қамтамасыз ету үшін өзен жағасында тәулік бойы кезекшілік ұйымдастырылды.
Талғар өзеніндегі су деңгейінің көбеюіне байланысты Ават ауыл округінің аумағындағы өзеннің сол жағалауында орналасқан баламалы жолды су шайып кетті. Су ағынының ұлғаюынан жақын маңдағы карьерлерді су басу қаупі туындады. Округ әкімі аппаратының ұйымдастыруымен су баспау үшін және тұрғындардың қауіпсіздігін қамтамасыз ету үшін жұмыс жүргізілді. Тәулік бойы кезекшілік ұйымдастырылды, – деді Ават ауылдық округінің әкімі Момунжан Исламов.
Фото: instagram/enbekshikazakh_audan_akimdigi
Байланысты жаналықтар
MalimBlocks
