Алматыда Сәтбаев пен Байтұрсынұлы көшелерінің қиылысында құбыр жарылды. Оқиғаны куәгерлер видеоға түсіріп алған. Оқиғаға байланысты Алматы әкімдігі түсінік берді
Кадрлар Telegram-дағы kris_p_almaty арнасында жарияланған. Автордың айтуынша, көше қиылысында құбыр жарылып, асфальт опырылған. Осыған байланысты Сәтбаев көшесі 2 бағыт бойынша жабылды.
Алматы әкімдігінің баспасөз қызметі 4 мамырда Байтұрсынов көшесінің шығысындағы Сәтбаев көшесінің бойында болған ақау қалпына келтірілгенін, "Алматы жылу желілері" ЖШС апаттық бригадасы зақымданған жерлерді жөндеуге кіріскенін хабарлады. "Масаншы – Сәтбаев – Марков – Құрманғазы көшелерінің қиылысындағы 1988 жылдан бері жұмыс істеп келе жатқан және диаметрі 500 мм құбырдың зақымдануын жою үшін ыстық су беру уақытша тоқтатылды. Бұл тасжолды жөндеу 2025 жылға жоспарланған еді, биыл қайта жөндеу жобасы сараптамадан өтіп, қарастырылады", - деп хабарлады әкімдік өкілдері. Ведомство өкілдерінің дерегінше, қала аумағында түн ортасына дейін ыстық су беруді қалпына келтіру көзделген.
Видеодан скрин: t.me/kris_p_alm
Байланысты жаналықтар
MalimBlocks
