«Апа болдың». Мәдина Сәдуақасова оқырмандарына үндеу жасады

Көпшіліктің сүйікті әншісі Мәдина Сәдуақасова кезекті рет оқырмандарына үн қатты. Бұл жолы өнер иесі оқырмандарының пікіріне ренішін жеткізді, деп хабарлайды Malim.kz.

Ол Алматыда өткен әйгілі Николь Шерзингердің концертіне барып, 45 жастағы әншінің өнеріне тәнті болғанын атап өткен. 

Енді маған жазбаңыз комментарий! «Жасыңа қарасайшы!», «Апа болдың», «Қоя ғой» дегенді жазбаңыздар. 1978 жылғы әншінің от концерті болды. Алматы Аренаны шайқады Николь! Іштегі от лаулап , жанып тұрса жас ешқандай маңызды емес! 79-78 дер қайдасыңдар, - деп жазды ол.

Желі қолданушылары әншінің бұл сөзіне түрлі пікір қалдырып жатыр.

«Көңіл жас, әрине. Бірақ қазақ екенімізді ұмытып кетпеу керек», «Николь ұқсап шпагатқа отырсаң, саған жас туралы ешкім айтпайды», «Сол Николь сияқты жанды дауыста ән айтып шайқаңыздар», «Шектеуді алып тастап өмір сүру керек», - деп жазып жатыр оқырмандар.

Айта кетейік, әнші Мәдина Сәдуақасова бұған дейін де әлеуметтік желідегі оқырмандарына ренішін білдірген еді. Осылайша, өзіне жағымсыз пікір жазатын «хейтерлерін» өшіретінін айтқан.

Фото: instagram.com/sadvakasovamadina