Көлік вице-министрі Талғат Ластаев Мәжіліс кулуарында Ақтаудағы ұшақ апатына қатысты тергеу қашан аяқталатынын айтты, деп хабарлайды Malim.kz.
Министрлік осыған дейін апаттың алдын-ала есебін жариялаған болатын. Онда апаттың нақты себептері аталмаған. Өйткені ИКАО талаптарына сәйкес, тергеп-тексеруге 1 жыл уақыт керек. Апаттың нақты себебі бір жылдан кейін, яғни осы жылдың желтоқсанында бірақ дайын болады. Әзірге тексеріс барысы туралы ештеңе айта алмаймын, - дейді Талғат Ластаев.
Еске сала кетсек, 2024 жылдың 25 желтоқсанында Azerbaijan Airlines әуе компаниясына тиесілі ұшақ Ақтау маңында құлап, 38 адам қаза тапты. 29 адам жарақатпен Ақтау қаласындағы ауруханаларға жеткізілді.
Ұшақ апатына байланысты қылмыстық іс ашылып, қайғылы оқиғаның себеп-салдарын тексеру үшін Үкіметтік комиссия құрылды. 25 желтоқсанда апатқа ұшыраған әуе кемесінің қара жәшігі табылды.
Фото: Төтенше жағдай министрлігі
