Астана-Қарағанды тасжолында жүздеген көлік кептеліске түсті (ВИДЕО)
Полиция алыс жолдан бас тартуға шақырады
Ауа райының нашарлауына және жол қозғалысы қауіпсіздігін қамтамасыз етуге байланысты Қарағанды-Астана автожолы уақытша жабылды, деп хабарлайды Malim.kz.
Теміртау қаласының терминалында шамамен 300 автокөлік жиналды. Қарағанды облысының полиция департаменті ауа райы жағдайы жақсарып, жол ашылғанға дейін жүргізушілерді алыс сапарлардан бас тартуға шақырады.
Барлық жол қозғалысына қатысушыдан сақтық шараларын сақтауды, жолдардың жағдайы туралы ақпаратты қадағалап, төтенше қызметтердің ұсынымдарын ескеруді сұраймыз, деп хабарлады Қарағанды облысы ПД патрульдік полиция батальонының командирі Медет Нұрмұханов.
Фото: видеодан скриншот
