Бүгін таңертең Қапшағайдан Алматыға баратын тасжолда жаппай көлік апаты болды, деп хабарлайды Malim.kz.
«ҚазАвтоЖол» ұлттық компаниясы таратқан мәліметке қарағанда, оқиға 07:30 шамасында «Алматы-Өскемен» автожолының 28 шақырым учаскесінде («Алматы-Қонаев» бағытында) болып, онда 18 автокөлік соғысқан. Жол апаты кезінде қалың тұман болған.
Алдын ала мәліметтер бойынша жүргізушілер шектеулі көрініс кезінде жылдамдық режимі мен қауіпсіз арақашықтықты сақтамаған.
Оқиға болған жол учаскесі ІА техникалық санатқа жатады, яғни, 6 жолақты. Жолдың жүру бөлігі құрғақ, ақаусыз және бөгде заттар болмаған.
Облыстық полиция департаментінің мәліметінше, жол-көлік оқиғасы салдарынан бір жолаушы жеңіл дене жарақатымен ауруханаға жеткізілген.
Фото: видеодан скриншот
Байланысты жаналықтар
MalimBlocks
