Астанада қылмыстық топ мүгедек азаматтардың атына автонесие рәсімдеп отырған
Астанада құқық қорғау органдары жұмыссыз және мүмкіндігі шектеулі адамдардың атынан заңсыз автонесиелер рәсімдеген алаяқтар тобын анықтап, олардың әрекетіне тосқауыл қойды, деп хабарлайды Malim.kz.
Тергеу барысында қаскүнемдер азаматтарды түрлі жолмен көндіріп, екінші деңгейлі банктерде шын мәнінде жоқ автокөліктерге автонесиелер рәсімдегені анықталды. Бұл қылмыстың салдарынан 65 адам зардап шеккен, ал келтірілген жалпы шығын 250 миллион теңгеден асып кеткен.
Жиналған дәлелдерге сәйкес, алаяқтар банктен түскен ақшаны өздерінің жеке мақсаттарына пайдаланған. Ал несиелер ресми түрде жәбірленушілердің атына рәсімделгендіктен, олар қомақты қарызға батуға мәжбүр болған.
Аталған фактілер бойынша Қылмыстық кодекстің 262-бабы (ұйымдасқан қылмыстық топ құру және оған қатысу) және 190-бабы (алаяқтық) бойынша сотқа дейінгі тергеу жүргізілді. Қазіргі таңда күдіктілер қамауға алынып, іс сотқа жолданды.
Фото: istockphoto.com
Ең көп оқылған
