Атыраудағы «Французский квартал» тұрғын үй кешенінен зорлық-зомбылық белгілері бар 46 жастағы әйелдің мәйіті табылды. Алдын ала мәлімет бойынша, марқұм жүкті болған, деп хабарлайды Malim.kz Zakon.kz сайтына сілтеме жасап.
Құқық қорғау органдарындағы дереккөздердің хабарлауынша, әйел пышақталған. Оқиғадан кейін оның пәтерінен құнды заттар ұрланған. Қазір оқиға орнында жедел-тергеу тобы жұмыс істеуде.
Атырау облыстық полиция департаменті бұл ақпаратты растады. Аталған дерек бойынша ҚР Қылмыстық кодексінің 99-бабы («Адам өлтіру») бойынша қылмыстық іс қозғалып, жан-жақты тергеу амалдары жүргізіліп жатыр.
Тәртіп сақшылары оқиғаның мән-жайын анықтауға кіріскен. Қоғамда резонанс тудырған бұл іс бойынша қосымша ақпарат тергеу мүддесіне сай кейінірек жарияланбақ.
Фото: istockphoto.com
