Білім министрлігі бей-берекет жүрген түлектерге ескерту жасады

«Түлектер мен ата-аналардың көпшілігі мектепте белгіленген тәртіп пен ережені бұзбайтын саналы азаматтар. Биыл 170 мыңнан астам түлек бітіріп, рекордтық көрсеткішке жетті. Барлығы сияқты, ерекше жағдайлар да болады. Мысалы, кейбір түлектер жастығына байланысты соңғы қоңырау мерекесінен кейін көліктермен бей-берекет жүргенін көріп жүрміз. Біз түлектерге оның қауіпті екенін еске салғымыз келеді. Бұл сіздің өміріңіз бен денсаулығыңыз үшін қауіпті. Мұндай заң бұзуды құқық қорғау органдары тіркейді және оларға жауапкершілік те қарастырылған», - делінген министрліктегі мектепке дейінгі және орта білім комитеті төрағасының орынбасары Жомарт Қарамбаев атынан келген жауапта.

Оқи отырыңыз: Connect-Ed: Балалардың сапалы білім алуына қоғам болып жауапкершілік алуымыз керек

Айта кетейік, 25 мамыр күні Маңғыстау, Түркістан, Жамбыл облыстары мен Шымкент қаласында түлектердің қатысуымен жол-көлік оқиғалары болды. Маңғыстау облысы Сай-Өтес ауылы маңында мектеп түлектері жол апатына түсіп, 7 адам жарақат алып, оның екеуі ауыр жағдайда ауруханаға жеткізілді.