Бишімбаевтың отбасы балаларға алимент төлеуден бас тартқан

Сотталған экс-министрі Қуандық Бишімбаевтың бұрынғы әйелі Назым Қахарман бұрынғы күйеуінің отбасы алимент төлеуден толығымен бас тартқанын айтты, - деп хабарлайды Malim.kz тілшісі.

Бұл туралы ол YouTube-арнасында бөлісті. Оның айтуынша, алимент үнемі кешіктіріліп төленген, ал алимент туралы келісімде қарастырылған кейбір шығын мүлдем өтелмеген.

"Былтырғы демалыс үшін ешқандай ақша төленбеді. Психологтың қызметтері үшін де төленбеді, бірақ біз оған бірнеше рет жүгіндік. Мен төлеген барлық соманы Ғазымжанов мырзаға жібердім (Қуандық Бишімбаевтың адвокаты - еск.), бірақ олар мұны елемеді. Денсаулық туралы айтпай-ақ қояйын, дәрігерге көрінгеніміз, дәрумендер, дәрі-дәрмектер де төленбеді", - деді ол.

Ол 2020 жылы ажырасу кезінде алимент туралы келісім жасалғанын айтты. Оның айтуынша, Қуандық Бишімбаев алдымен қаржылық жауапкершілікті өз мойнына алуға дайын екеніне сендірген, бірақ кейін бұл туралы оның адвокатына үнемі еске салып отыруға тура келіпті.

"Наурызда алимент төленбеді. Азды-көпті жүйелі түрде төлемдер былтыр қараша-желтоқсанда ғана түсе бастады", - деді Назым Қахарман.

Айта кетейік, Назым Қахарман мәлімдеме жасаған видео 28 наурызда түсірілген. Пікірлерден кейін экранда мынадай хабарлама пайда болады: "30 наурызда маған Бишімбаевтар отбасының адвокаты хабарласып, олар алимент төлеуден мүлдем бас тартатынын айтты".

Назым Қахарман Қуандық Бишімбаевпен 14 жыл ресми некеде болды. Ерлі-зайыпты 2020 жылы ажырасқан еді. Олардың үш баласы бар.

Фото: коллаж Malim.kz