«Қазгидромет» РМК ел аумағындағы бүгін – 8 маусымдағы қауіпті метеорологиялық құбылыстарға болжамын жариялады, деп хабарлайды Malim.kz.
Синоптиктер болжамына қарасақ, атмосфералық фронттардың өтуіне байланысты Қазақстан территориясының басым бөлігінде әлі де тұрақсыз ауа-райы сақталады, найзағай ойнап, жаңбыр жауады, еліміздің батысында, солтүстігінде – қатты жаңбыр жауады, батыс пен солтүстікте, шығыста бұршақ күтіледі. Тек еліміздің оңтүстігінде жауын-шашынсыз ауа райы орнайды. Республика бойынша жел күшейіп, күндіз оңтүстік-батыста шаңды дауыл күтіледі.
Күндіз Қызылорда, Алматы, Жетісу облыстарында қатты ыстық болады, Қостанай облысының оңтүстігінде де осындай жағдай.
Маңғыстау, Түркістан, Жамбыл облыстарында, Ұлытау облысының батысында, оңтүстігінде, орталығында, Қызылорда облысының батысында, солтүстігінде, БҚО оңтүстік-шығысында, оңтүстігінде, Алматы облысының солтүстігінде, орталығында, Ақтөбе облысының батысында, Атырау облысының шығысында, Қостанай, Қарағанды, Абай облыстарының оңтүстігінде жоғары өрт қаупі сақталады, деп жазылған хабарламада.
Сондай-ақ, Түркістан облысының шөлді аудандарында, Атырау облысының солтүстік-батысында, оңтүстігінде, солтүстігінде, БҚО батысында, Қызылорда облысының оңтүстігінде, солтүстік-шығысында, орталығында, Маңғыстау облысының солтүстігінде, орталығында, Ақтөбе облысының оңтүстігінде төтенше өрт қаупі күтіледі.
Фото: gov.kz
Байланысты жаналықтар
MalimBlocks
