Депутат Роза Рымбаеваның авторлық құқығы тапталып жатқанын айтты
Отандық эстрада жұлдызы Роза Рымбаеваның гонорары үшін министр болмаса да, мәжілісмендер қам жеп отыр
Депутат Олжас Құспеков орындаушылардың авторлық құқығы тапталып жатқанын айтты, - деп хабарлайды Malim.kz тілшісі.
Депутаттың айтуынша, әншіге осы күнге дейін оның орындауындағы туындыларды ретрансляция жасағаны үшін көк тиын да төленбеген. Заң бойынша авторға төлемақы қарастырылғанымен, оның мүлік құқығын реттейтін нормаларды әлі де нақтылау қажет. Яғни теле-радиода эфирде қолданылғаны үшін ақша төленуі керек.
Халық қалаулысының мәлімдемесімен әділет министрі Ерлан Сәрсембаев та бірден келісе кетті. Ал сахна саңлағы Роза Рымбаева бұл тақырыпқа қатысты тіс жарып қандай да бір пікір айтудан бас тартты. Осыдан кейін "Авторлық құқық туралы" заңның 16-бабына өзгеріс енгізілуі мүмкін.
"Авторлық құқық және сабақтас құқықтар туралы" заңның 16-бабына сәйкес, авторлар мен өзге де авторлық құқық иеленушілер туындыны пайдаланудың әрбір түрі үшін сыйақы алуға құқылы. Алайда біздің заңнама авторлар мен орындаушылардың авторлық және сабақтас құқықтар объектілерін қайта жіберуге қатысты мүліктік құқығын қарастырмайды. Мысалы, Роза Рымбаеваның әндері эфирге шыққанда ақы төленбейді. Сол үшін әншінің құқығы бұзылып жатыр. Осы олқылықты жоюды қалай жоспарлап отырсыз?" - деді ол.
Фото: Instagram / rozarymbaeva
Байланысты жаналықтар
MalimBlocks
