«Курсантты ұрған». «Жас Ұлан» мектебіндегі оқтиғаға қатысты Абай облысы әкімдігі түсініктеме берді
Курсантқа қол тигізген офицердің бейнежазбасы әлеуметтік желіде тараған болатын
Әлеуметтік желіде тараған курсантқа офицердің қол жұмсаған бейнежазбасына қатысты түсініктеме берілді. Абай облысы әкімдігінің мәлімдеуінше, оқиға осыдан 2 жыл бұрын «Жас Ұлан» мектебінде болған, деп хабарлайды Malim.kz.
Облыс әкімдігінің ақпаратына қарағанда, 2024 жылдың 9 қыркүйегінде әлеуметтік желілерді мониторинг жасау кезінде 2022 жылдың қараша айында түсірілген бейнежазба анықталған. Онда тәрбиеші-офицер тәрбиеленушіге физикалық күш қолданған.
Қызметтік тергеудің нәтижесінде осы оқиғаның екі жыл бұрын болғаны, сол кезде тәрбиеленуші 8-сыныпта оқығаны анықталған. Қазір ол 10-сынып оқушысы.
Тергеу барысында белгілі болғаны, өздігінен дайындық кезінде тәрбиеші-офицер тәрбиеленушіге үлгерімі туралы ескерту жасаған, содан кейін оның басына екі рет алақандарымен ұрған. Тәрбиеленушінің денсаулығына зиян келмеген және ол медициналық көмекке жүгінбеген. Тәрбиеленушінің ата-аналары тәрбиешіге ешқандай шағымдары жоқ, деп жазылған ресми хабарламада.
Мұндай жағдайлардың алдын алу мақсатында тәрбиеші-офицер педагогикалық этика кеңесіне шақырылып, оған ескерту түрінде тәртіптік жазалау шарасы қолданылған.
@malimkz Әлеуметтік желіде жариялаған видео авторы оқиғаның Абай облысындағы «Жас Ұлан» мектебінде болуы мүмкін екенін жазған #жасұлан #әскер #курсант #абайоблысы #семей
♬ оригинальный звук - Malimkz
Фото: видеодан скриншот
