Маңғыстау облысында газ жарылып, бір адам қаза тапты
Маңғыстау облысының Бейнеу ауданында жер үйдің қолдан жасалған жылыту қазандығында газ жарылды, деп хабарлайды Malim.kz.
Жарылыстан Бейнеу ауылындағы үйде бір адам қаза болды. Жедел жәрдем зардап шегушіні ауруханаға жеткізгенімен, өлімнен арашалап қала алмаған.
"ҚазТрансГаз Аймақ" АҚ апаттық-диспетчерлік қызметіне оқиға туралы ТЖ қызметінің қызметкері хабарлады. Апат орнына келген бригада жеке үйде қолдан жасалған жылыту газ қазандығы орнатылғанын анықтады. Оқиға туралы аудан әкімдігі мен полицияға хабарланды. Алдын ала мәліметтер бойынша, газ ауаға таралған. Бұған дейін аталған үйге РҚКО осы жабдықты ауыстыру туралы ескерту берген болатын. Алайда үй иелері бұл ескертуді елемеді. Жазатайым оқиғаның себептері сараптама нәтижелері бойынша анықталатын болады, - деп хабарлайды ТЖД бспасөз қызметі.
Фото: «ҚазТрансГаз Аймақ»
