Қазақстан жеңіл есірткіні заңдастыруды жоспарлап отырған жоқ. Бұл туралы ішкі істер министрінің орынбасары Санжар Әділов мәлімдеді, деп хабарлайды Malim.kz Azattyq Rýhy сайтына сілтеме жасап.
Жуырда қырғыз депутаты Қырғызстанда жеңіл есірткіні заңдастыруды ұсынған болатын. Оның айтуынша, құқық қорғау органдары қарасора сияқты табиғи есірткіні жойып тастайтындықтан, олар қымбаттап кеткен. Сол себепті жастар арзан синтетикалық есірткіні сатып алады.
Бүгін Сенат кулуарында журналистер Қазақстан көрші ел сияқты марихуананы заңдастыру мәселесін қарастыра ма деп сұрады.
«Қазір кешенді жоспар аясында марихуананы заңдастыру мәселесі күн тәртібінде тұрған жоқ», - деп қысқа қайырды Әділов.
Фото: ҰҚК
