Ұлттық статистика бюросының дерегіне сәйкес, елімізде 3 920 жалпы қолжетімді кітапхана бар, деп хабарлайды Malim.kz.
Оның ішінде 265-і балаларға арналған, ал 15-і жеке меншік. Бұл мекемелерде 10 мыңнан астам қызметкер еңбек етеді.
Кітапханалардың басым бөлігі – әмбебап (3 873), сондай-ақ елде 20 ғылыми және 19 арнайы кітапхана жұмыс істейді.
Кітапханалар саны бойынша көшбасшы өңірлер:
- Түркістан облысы – 399 кітапхана
- Батыс Қазақстан облысы (БҚО) – 358
- Ақмола облысы – 341
- Ал ең аз кітапхана Астанада – небәрі 27.
Кітап қорына келсек:
Ел бойынша 110,3 миллион дана басылым тіркелген.
Электронды каталогтың көлемі – 1,7 миллион бірлік.
Алматы қаласында ең ірі кітап қоры – 37,1 миллион басылым.
2024 жылы қазақстандық кітапханалар 55,4 миллион рет келуші қабылдаған. Ең белсенді өңірлер:
- Алматы – 5,5 миллион келуші
- Солтүстік Қазақстан облысы (СҚО) – 4,5 миллион
- Түркістан облысы – 4 миллион
Фото: pixabay.com/
