Қазақстанда тұрып қазақ тілінде қызмет ала алмау өте қорқынышты жайт - Меркуль
Қазақстандық стендапер Александр Меркуль қазақ тілінің мәселесін көтерді
Танымал отандық стендапер Александр Меркуль соңғы кездері жиі айтылып жүрген орыстілді тұрғындар шеттетіліп жатыр деген пікірге қатысты көзқарасын білдірді, деп хабарлайды Malim.kz.
Меркуль шын мәнінде орыс тілінде сөйлейтіндердің емес, қазақтілді ортада өсіп, қазақша ғана сөйлейтін адамдардың күйін күйттеуіміз керек деп санайды.
Тина Канделаки «Қазақстанда орыстілді тұрғындарды шеттетіп жатыр» деп айтты. Шынымды айтсам, өзімді өте жайсыз сезіндім. Себебі біздегі жағдай керісінше. Айталық, Алматыға қазақтілді ортада өскен, орысша сөйлемейтін жігіт келеді де, өз елінде, өзі өмір сүретін елдің тілінде кофеге не тамаққа тапсырыс бере алмайды, не қажетті өзге қызметті ала алмайды. Сонда бұл не өзі?! Мұндай жағдай болмауы керек. Орыстілді тұрғындардың немесе орыстардың шеттетілуі емес, осы мәселе көбірек қорқынышты, - деді Александр Меркуль.
Фото: harpersbazaar.kz
MalimBlocks
