Баспасөз деректеріне қарағанда 90 әуе апаты болған. Ресми деректерге қарағнада бұл Ресейден 16 есе аз, ал Қырғызстаннан 4 есе көп. Біз соңғы 15 жыл ішінде болған ірі әуе апаттарын тізіп шықтық. www.tengrinews сайтының мәліметінше, әуе апаттарының дені техникалық ақаулар мен ауарайының қолайсыздығынан туындаған.
2009 жыл: Ми-8 ұшағы
2009 жылы 8 қыркүйекте Қазақстанның ҰҚК Шекара қызметінің «Оңтүстік» өңірлік басқармасының «Арлан» барлау-іздеу тобының Ми-8 ұшағы қазақ-өзбек шекарасының маңындағы Өгем шатқалында апатқа ұшыраған.
Тікұшақта экипажды қоса есептегенде 13 адам болған. Ми-8 тікұшағының апатынан 10 адам қаза болды, қалған үшеуі ауыр жараланған.
2012 жыл: Ан-72 апаты
2012 жылдың 25 желтоқсанында Оңтүстік Қазақстан облысы Шымкент қаласының маңында Қазақстан Ұлттық қауіпсіздік комитетінің шекара қызметіне тиесілі Ан-72 (Antonov An-72) ұшағы апатқа ұшырады. Астана уақытымен сағат 18.55-те астанадан Шымкентке бағыт алған Ан-72 әуе кемесі Шымкент қаласының әуежайынан 20 шақырым жерде Сайрам ауданындағы Тассай ауылының маңындағы карьерге құлаған.
Апат салдарынан 7 экипаж мүшесі мен 20 әскери қызметкер, оның ішінде ҰҚК Шекара қызметінің директоры міндетін атқарушы полковник Тұрғанбек Стамбеков болған және ұшақ бортында болған барлық 27 адам қаза тапты.
Желтоқсанның 27 жұлдызында ұлттық аза тұту күні болып жарияланды.
2013 жыл: Bombardier CRJ 200LR
2013 жылы 29 қаңтарда сағат 13:00 шамасында Алматы әуежайына шамамен 5 шақырым жетпей «Көкшетау-Алматы» бағытында «SCAT» әуекомпаниясың Bombardier CRJ 200LR ұшағы апатқа ұшырады. Бес экипаж мүшесі мен 16 жолаушы қаза тапты. Оның біреуі – бала.
2013 жылғы 31 қаңтар – ұлттық аза тұту күні болып жарияланды.
2015 жылғы апат: Ан-2
2015 жылы 20 қаңтарда Ан-2 ұшағы сағат 15.40 шамасында «Шатыркөл» кен орны ауданында апатқа ұшыраған еді. «Олимп Эйр» серіктестігіне тиесілі ұшақ Балқаштан кен орнына ұшып шыққан. Ұшақтың апатқа ұшырауына тұман себеп болуы мүмкін деген жорамал айтылды. Ұшақтың бортында жеті адам болды, оның үшеуі – экипаж мүшесі.
Экипаж тұманда ұшу биіктігін негізсіз төмендеткен. Сол себепті, жерге құлаған.
2016 жылы төрт апат болып, 7 адам қаза тапты
2016 жылы 23 қаңтарда Жамбыл облысында апатқа ұшыраған Ми-2 полицияның тікұшағы болып шықты. Апатқа ұшыраған тікұшақтың пилоты қайтыс болды. Ол ауруханада күйік шалғандардың бөлімінде қайтыс болды.
2016 жылы 27 қаңтарда астана уақыты бойынша 17.47-де Алматы облыстық ТЖД-ның Бірыңғай кезекші-диспетчерлік қызметіне 15.45-те Алакөл ауданындағы Үшарал қаласынан Талдықорғанға қарай ауруханаға «Аспан» акционерлік қоғамының меншігіндегі UP-MD 600-N азаматтық тікұшағының науқас баланы алып шыққаны туралы хабарлама келіп түскенін айтқан болатын. Тікұшақ бортында болған бес адам қаза тапқан.
28 қаңтарда сағат 08:20-да Қапал елдімекенінен 3 шақырым жерде тікұшақтың бөліктері табылған. Алматы облысында тікұшақ апатынан қаза болғандардың жанұяларына миллион теңгеден берілді.
2016 жылы 26 маусымда Алматы облысындағы Береке ауылының маңында Ан-2 ұшағы апаттық жағдайда қонды. Ұшақ өрістерді өңдеумен айналысқан. Әуе кемесі «Тамшыбұлақ» ЖШС-на тиесілі болған. Бортта екі адам болған. Екеуі де қаза тапты.
2017 жылы 6 апат болды
2017 жылы елімізде 6 әуе апаты болған екен. ҚР ИДМ Азаматтық авиация комитеті Eastwing әуекомпаниясының АН-28 ұшағы Алматыдан 28 шақырым жерде жоғалып кеткенін хабарлаған еді. Ведомство өкілдерінің мәліметінше, ұшақ Алматы - Шымкент бағытында санитарлық рейс жасаған.
Кейін ұшақ Алматы түбінде өртеніп жатқан жерінен табылған. Бортта болған бес адамның барлығы қаза тапқан.
13 әскеридің қазасы
2019 жылы 27 наурызда Қазақстан ҚК ӘҚК Әскери әуе күштерінің тікұшағы апатқа ұшырады. Қызылорда облысындағы Жалағаш ауданының маңында Ми-8 тікұшағы апаты салдарынан 13 әскери қаза тапқан. Төрт тікұшақ Ақтау қаласынан Шымкентке қарай бағыт алған еді. Ұшу түнгі уақытта метеорологиялық қиын жағдайда кешенді тексеріс және «Алтын жебе» арнайы бөлімшелерінің жаттығуы аясында іске асырылған.
2019жыл: Bek Air
Еске салайық, 27 желтоқсанда таңғы уақытта Алматыдан елордаға ұшып шыққан Bek Air құлаған. Бортта 93 жолаушы және экипаждың 5 мүшесі болған. Кейін желіде құлаған ұшақтың суреттері тарала бастады. Артынша Ішкі істер министрлігі Төтенше жағдайлар комитеті ұшағы құлағаннан кейін шұғыл желі ашылғанын хабарлаған.
ІІМ 12 адамның қаза тапқанын хабарлады. 28 желтоқсан жалпыұлттық аза тұту күні болып жарияланды.
2024 жыл: Azerbaijan Airlines әуе кемесі апатқа ұшырады
Биыл25 желтоқсанда Ақтау маңында ұшақ апатқа ұшырады. Ұшақ Бакуден Грозныйға ұшып бара жатқан. Бұл ұшақ Azerbaijan Airlines авиакомпаниясына тиесілі. Ұшақ бортында 67 адам, оның ішінде 5 экипаж мүшесі болған.
Кейінірек Төтенше жағдайлар департаменті оқиға орнына барды. Құтқарушылар жеткен кезде ұшақ өртеніп жатқаны анықталды.
Қазақстанның Көлік министрлігі де төтенше жағдайға байланысты мәлімдеме жасады.
Төтенше жағдайлар департаменті Ақтауда апатқа ұшыраған ұшақтан 38 адам қаза тапқанын мәлімдеді.
MalimBlocks
