Халық аспаптар ансамблінің негізін қалаушы, талантты дирижер, “Мәдениет саласының үздігі” Мырзақұлова Маралжан Қазбекқызы өмірден өтті, деп хабарлайды Malim.kz.
Бұл туралы Қалибек Қуанышбаев атындағы Қазақ ұлттық музыкалық драма театрының баспасөз қызметі мәлімдеді.
Қадірлі әріптесіміз! Халық аспаптар ансамблінің негізін қалаушы, талантты дирижер, ұлағатты ұстаз, “Мәдениет саласының үздігі” Мырзақұлова Маралжан Қазбекқызының мезгілсіз дүниеден өтуіне байланысты туған-туыстарына, жора-жолдастарына және барша жақындарына қайғыра көңіл айтамыз. Маралжан Мырзақұлова – өнер мен мәдениетке сіңірген еңбегімен ел есінде мәңгі қалатын жарқын тұлға. Оның жарқын бейнесі, кәсіби шеберлігі мен адамгершілігі жұртшылықтың жүрегінде сақталады. Топырағы торқа, жатқан жері жарық, пейіште нұры шалқысын! Алла алдынан жарылқап, артында қалған ұрпағына ұзақ ғұмыр, сабыр мен саулық берсін, – деп жазылған хабарламада.
Фото: Қазақ ұлттық музыкалық драма театры
