Жайық өзеніндегі су деңгейі Орал қаласында 780 см-ге жақындады
Облыстың басқа өзендерінде су деңгейі төмендеп келеді.
Жайық өзеніндегі су деңгейі Орал қаласы гидробекетінде 776 сантиметрге (қауіпті деңгей – 850 см) жетті, деп хабарлайды Malim.kz.
«Қазгидромет» РМК БҚО филиалына су деңгейі бір тәулікте 8 сантиметрге көтерілгенін мәлім етті.
Бәйтерек ауданы Январцев елді мекенінде кешегі деңгейде (802 см) қалса, Көшімде 765 (+14), Тайпақ ауылы тұсында 471 (+12) сантиметрге жетті.
Сонымен қатар Көшім каналында су деңгейі 1 сантиметрге жоғарылаған (821 см, қауіпті шектен 21 сантиметрге жоғары).
Казталов ауданы Жалпақтал ауылында Қараөзен деңгейі 8 сантиметрге көтерілді (627 см, қауіпті шегі – 790-820 см).
Облыстың басқа өзендерінде су деңгейі төмендеп келеді.
Соның ішінде Жайыққа құятын Шаған өзені Чувашин ауылы тұсында 728 сантиметрді (-15, қауіпті шегі – 1300 см) көрсетті.
Фото: ken-zhyloi.kz
Байланысты жаналықтар
MalimBlocks
