Жаркентте бір әулеттің 33 адамы бірге келіп дауыс берді

Жетісу облысы Жаркент қаласында Жақыбаевтар әулетінен 33 адам бір мезетте дауыс беру учаскесіне келіп, өз таңдауларын жасады, деп хабарлайды Malim.kz.

Әулет адамдары түгел Жаркентте туып, өсіп-өнген. Дауыс беру учаскесіне 85 жастағы қар ана Азия Жақыбаева балаларымен бірге келген.

Ұрпағының жарқын болашағын қалайтын әр адам сайлауға зор үмітпен келеді. Біз де әулетімізбен бірге келіп, таңдауымызды жасап тұрмыз. Тәуелсіз еліміздің болашағы дегенде барлығымыз бір кісідей жұмылуымыз керек, деді ол.

Айта кетейік, Азия Жақыбаева бүгінде 9 бала, 36 немере, 69 шөбере сүйіп отырған бақытты ана.

Фото: скриншот