«Жеу керек деп айтқан жоқпын»: Вице-премьер «шегіртке – халал ас» деген мәлімдемесін түсіндірді
Серік Жұманғарин бұл бағытта қауесетті тоқтатып, бұрмалауды доғарған жөн екенін айтты.
![](/images/article-img/1600/22576-1718278940-m.jpg)
Вице-премьер Серік Жұманғарин өзінің осыған дейін айтқан «шегіртке — халал ас» деген сөзін түсіндірді, деп хабарлайды Malim.kz.
Бізде әлеуметтік әрі саяси өмір өте қарқынды. Сондықтан кейде көңіл көтеру үшін осындай сөздерді айтып қаламын. Бірақ шегірткені жеу керек деп ешқашан айтқан емеспін. Әңгіме барысында бұл халал өнім екенін ғана айттым. Сондықтан бұл бағытта қауесетті тоқтатып, бұрмалауды доғарған жөн, - деді Серік Жұманғарин Сенаттың жалпы отырысынан кейін тілшілер сұрағына жауап бере отырып.
Бұл тұрғыда ол жауапты мемлекеттік қызметкер екенін және ешқашан ел азаматтарына шегіртке жеуді ұсынбайтынын мәлімдеді.
Оның үстіне, елімізде азық-түлік қауіпсіздігі қамтамасыз етілген.
Еске салсақ, бұған дейін Премьер-министрдің орынбасары "шегіртке – халал өнім" деп мәлімдеген болатын.
Фото: BAQ.KZ
MalimBlocks
![](/images/article-img/600/23709-1722504410.png)