Оралда қалалық полиция бөліміне кәмелетке толмаған үш баланың жоғалып кеткені туралы хабарлама түскен. Олардың ең кішісі небәрі 4 жаста екендігі белгілі болды, деп хабарлайды Malim.kz.
БҚО Полиция департаментінің барлық қызметі мен бөлімшесіне және шекаралас облыстарға дереу іздестіруге бағыт-бағдар берілген. Нәтижесінде полиция қызметкерлері Ақтөбе облысындағы әріптестермен бірлесіп, жоғалған балаларды автобустардың бірінен тапқан.
Олар басқа аймақта тұратын әкесіне кетуге шешім қабылдаған. Қазір жоғалған балалар аналарына қайтарылды, деп жазды полиция департаменті.
Фото: БҚО ПД
