Ресей президентінің баспасөз хатшысы Дмитрий Песковтың айтуынша, Владимир Путин АҚШ президенті Дональд Трамппен Мәскеуде кездесуге әлі де дайын, деп хабарлайды Malim.kz DW-ге сілтеме жасап.
Оның сөзінше, шешім америкалық тарапқа байланысты.
Песков ТАСС агенттігіне 28 қыркүйекте берген сұхбатында: «Бұл ұсыныс ұмыт қалған жоқ. Ол күшінде. Путин АҚШ президентімен кездесуге дайын және қуанышты болады», – деді.
Еске сала кетейік, 15 тамызда Аляскадағы Анкориджде өткен кездесу барысында Дональд Трамп Ресей президентімен тағы да жүздесуге үміт білдірген. Владимир Путин Мәскеуде кездесуді ұсынғанда, Трамп: «Әбден мүмкін», – деп жауап берген еді.
Фото: Getty Images/AFP/B. Smialowski
