14 ақпан күні күтпеген жерден шығыстағы екі облыстың әкімдері қызметінен кетті. Енді Абай мен Шығыс Қазақстан облыстарына жаңа әкім қашан тағайындалатыны анықталды, деп хабарлайды Malim.kz.
Бүгін Шығыс Қазақстанның әкімін тағайындау бойынша мәслихат сессиясы 17 ақпан таңғы сағат 10.00-де өтетіні белгілі болды. Абай облысындағы жиын дәл сол күні сағат 11.00-ге белгіленді.
Айта кетейік, Шығыс Қазақстан облысын 1 жыл 8 ай басқарған Ермек Көшербаев вице-премьер болып тағайындалды.
Ал Абай облысының әкімі болған Нұрлан Ұранхаев әзірге жаңа қызметке тағайындалған жоқ. Ол жаңадан құрылған облысты 2022 жылдың маусымынан бері басқарып келді.
Фото: Ratel.kz
