АҚШ-тың мемлекеттік хатшысы Энтони Блинкен Үндістан сыртқы істер министрімен кездесті
Жексенбі күнгі сыртқы істер министрімен кездесуде Энтони Блинкен Украинада «Әділетті және орнықты бейбітшілік» орнауы керек екенін айтқан.
АҚШ Мемлекеттік департаментінің мәліметінше, кездесу Үндістан Премьер-министрі Нарендра Модидің Украинаға жоспарланған ресми сапары қарсаңында өткен, деп хабарлайды Malim.kz.
Бұған дейін аталған сапар туралы бірқатар үндістандық БАҚ ақпарат таратқан еді. Шамасы, Моди Украинаға тамыз айында барады.
Үндістанның үкіметбасы бұл елге Ресеймен соғыс басталған 2022 жылдан бері алғаш рет сапарламақ. Ал оған дейін ол Мәскеуде Владимир Путинмен жолықпақшы. Украина президенті Владимир Зеленскийдің Модидің Мәскеуге баруына көңілі толмайды.
Батыс мемлекеттері Украинаға басқыншылық жасағаны үшін Мәскеуге қарсы санкциялар салып жатқанда, Ресеймен достық рәуіштегі Қытай мен Үндістан Мәскеумен сауда-саттықты жалғастыра берген еді.
Блинкен мен Джайшанкардың әлеуметтік желідегі парақшаларында кездесу жайы айтылғанымен, Украинаға қатысты ақпарат жоқ.
Үндістан Ресейдің Украинаға соғыс ашуын тікелей айыптамай, екі елді конфликті диалог пен дипломатия негізінде шешуді ұсынады. Нью-Дели Үндістанның Ресеймен байланысын үзуіне қатысты Батыстың қысымына қарсылық ретінде Мәскеумен ежелден келе жатқан достығын алға тартады.
Соңғы уақытта ресми Вашингтонның Делимен қарым-қатынасын жақсартуға ұмтылып жүргені байқалады. Өйткені Үндістанға күшейіп келе жатқан Қытайға қарсы тұра алатын ел ретінде қарайды. Дегенмен АҚШ Мемлекеттік департаментінің хабарлауынша, кездесу барысында Үндістанның Ресеймен байланысына алаңдаушылық танытылған.
Фото: REUTERS/Jonathan Ernst/Pool
Үндістан, 2023 жыл, 10 қараша.
