Ашық дауыс беру нәтижелеріне сәйкес президент Берік Уәлиді Абай облысының әкімі лауазымына тағайындау туралы жарлыққа қол қойды, деп хабарлайды Malim.kz.
Мемлекет басшысының жарлығымен Берік Уәли Абай облысының әкімі лауазымына тағайындалды, - делінген Ақорда мәліметінде.
Берік Уәли 48 жаста, Семей облысында дүниеге келген. Білімі бойынша ол кинотанушы, журналист және заңгер.
«Таң», «НТК», «31 арна», «Хабар», «Қазақстан» ТРК сынды қазақстандық бұқаралық ақпарат құралдарында қызмет атқарды, «Нұр Отан» партиясы жанындағы сыбайлас жемқорлыққа қарсы медиа орталығын басқарды.
Әр жылдары «Нұр Отан» партиясы төрағасының бірінші орынбасарының кеңесшісі болып және ҚР Инвестициялар және даму министрлігінде қызмет атқарды.
2019 жылы Берік Уәли Қазақстан Республикасы Президентінің баспасөз хатшысы болып тағайындалды, ол бұл қызметті 2022 жылға дейін атқарды. 2022-2023 жылдары «Хабар» агенттігі» АҚ басқарма төрағасы болды.
2023 жылы Тоқаевтың баспасөз қызметіне қайта оралды. 12 қыркүйекте мемлекет басшысының өкімімен ол Қазақстан Республикасы Президентінің кеңесшісі – баспасөз хатшысы болып тағайындалды.
