Дариға Назарбаева Лондондағы сарайын сотта ақтап алды

Malim Админ

  • 09.04.2020

Сенат спикері Дариға Назарбаева мен оның ұлы Нұрәли Әлиев Лондонда "шығу төркіні белгісіз ақшаға алынған үш жылжымайтын мүлікті" бұғаттау ісі жөніндегі сотта жеңді. Лондон жоғары соты құны 80 миллион фунт стерлингке жететін үш жылжымайтын мүлікті бұғаттау жөніндегі ордердің күшін жойды. Бұл туралы Financial Times басылымы хабарлады.

"Сот технология саласындағы кәсіпкер Нұрәли Әлиев 23 жасында Manrick Private Foundation компаниясы арқылы Бишоп авенюдегі 23 миллион фунт тұратын үйді сатып алу үшін банктен заңды түрде несие алғанын анықтаған. Сондай-ақ сот Назарбаева ханымды Forbes журналы 2013 жылы Қазақстандағы ең бай әйел деп атағанын назарға алды. Сот құжаттарына сәйкес, Назарбаеваның Хайгейтте бір жылжымайтын мүлігі, ал Челси ауданында (Лондондағы ең ауқаттылар тұратын аудан) екі пәтері бар", - делінген хабарламада.

Бірақ Ұлыбританияның қылмыспен күрес жөніндегі агенттігі (SFO) соттың Назарбаева мен Әлиев бұл дүние мүлікті адал ақшаға сатып алды деген уәжімен келіспейді, агенттік сот шешімінің үстінен апелляциялық шағым түсіретінін мәлімдеді. "Біз бұл істі ары қарай қудалау үшін қолдағы барлық заңды тетікті пайдаланамыз", – деді Ұлыбританияның қылмыспен күрес агенттігінің бас директоры Грэм Биггар.

10 наурыз күні Ұлыбританияның қылмыспен күрес жөніндегі агенттігі Назарбаева мен Нұрәли Әлиевке тиесілі үш жылжымайтын мүлікті бұғаттап, уақытша тыйым салғаны жөнніде ақпарат тараған.

 

Байланысты жаналықтар

Дариғаның өкілеттігін тоқтатуға құдасы да қол көтерді

04.05.2020

Иран баспасөзі: Кетіп қуантқан президент

25.01.2021

Ағылшындар коронавируспен қалай алысып жатыр?

27.03.2020

Айсұлтан Назарбаевтың неден қайтыс болғаны айтылды

25.03.2021

Лондоннан жеткізілген алматылықтар Нұр-Сұлтанда тұрып қалды

23.03.2020

Британдық БАҚ: Айсұлтан Назарбаев Лондонға он күн бұрын келген

17.08.2020
MalimBlocks
Дариғаның өкілеттігін тоқтатуға құдасы да қол көтерді

Иран баспасөзі: Кетіп қуантқан президент

Ағылшындар коронавируспен қалай алысып жатыр?

Айсұлтан Назарбаевтың неден қайтыс болғаны айтылды

Лондоннан жеткізілген алматылықтар Нұр-Сұлтанда тұрып қалды

Британдық БАҚ: Айсұлтан Назарбаев Лондонға он күн бұрын келген