Қазақстан демократиялық партиясын құру бастамашы тобының жетекшісі Жанболат МАМАЙ 4 тамыз күні Нұр-Сұлтан қаласына бармақшы. Қоғамдық белсенді несиелік амнистия сұраған 100 мыңнан аса азаматтардың арызын Ақордаға тапсырмақ.
Жанболат Мамай 30 жылда бір рет осындай қиын-қыстау кезеңде несиелік борыш кешіріліп, халыққа жеңілдік жасалуы тиіс деп есептейді.
«Қадірлі ағайын, 4 тамыз күні сағат 11-00 Астана қаласына барып, Ақордаға 100 мыңнан астам Қазақстан азаматының несиелік амнистия бойынша арыздарын тапсырамыз. Бізге қолдау білдіресіздер деген үмітіміз мол. Алматыдан жеткенше әртүрлі құйтырқы әрекеттер жасалуы мүмкін. Әртүрлі арандатулар жасалуы мүмкін. Біз астанаға жетпесін, сол күні арызымызды тапсырмасын деп әрекеттенуі мүмкін. Бірақ сол қиындықтарға қарамастан біз тәуекел етіп оытрмыз. Өйткені бұл жерде 100 мың адам арыз жазғанымен ар жағында 5,5 млн несиелік борышы бар Қазақстан халқының аманаты тұр. Сол аманатты 4 тамыз күні билікке міндетті түрде тапсырамыз. Несиелік амнистия жасауды талап етеміз. Бізге қолдау білдіріңіздер», - деді Мамай фейсбук парақшасында.
informburo.kz сайтының жазуынша Қазақстанда 7,4 млн адамның банктерге қарызы бар екен.Оның 80 пайызы тұтынушылық несиесі екен. Айта кетейік, 2019 жылы президент Қасым-Жомарт ТОҚАЕВ тұрмыстың қиындыққа тап болған отбасыларға несилік кешірім жасаған болатын.
Фото: azattyq-ruhy.kz
MalimBlocks
