Патронсыз Қазақстан: 28 миллиардтық зауыт сатылатын болды

Есдәулет Қызырбекұлы

  • 31.03.2021

Бюджеттен құрылысына 28 миллиард теңге жұмсалған Қарағанды патрон зауыты жекенің қолына берілмек.

Құрылысы 2016 жылы басталып, ірге тасын сол кездегі қорғаныс министрі Ирманғали Тасмағамбетов қалап, ашылуы сан мәрте кейінге шегеріліп, 2020 жылдың мамырында премьер-министр Асқар Маминнің өзі барып, лентасын қиған "STEEL MANUFACTURING"  Қарағанды патрон зауыты сатылымға қойылды. Рrivatization.gosreestr.kz сайтында зауыттың 95 пайызы жекенің қолына берілетіні жөнінде айтылған.

Бастапқыда 28 миллиард теңгелік зауыт «өнімдеріне 100 пайыз қазақстандық шикізатты пайдаланады, жылына 30 миллион дана патрон шығарады, 164 адамға жұмыс орнын береді» делінген. Бірақ шын мәнінде олай болмай шықты. «Теңдесі жоқ зауыт» барлық шикізатты шетелден алып, 164 емес, 64 адамды жұмыспен қамтыған. Бұған қоса, зауыттың табысынан шығыны көп болып кеткен. Атап айтқанда, 2020 жылы зауыт 132 миллион теңге табыс тауып, шығындарына 245 миллион теңге жұмсаған. Яғни, кәсіпорын былтырғы жылды 113 миллион теңге шығынмен аяқтаған.

2021 жылдың ақпан айында "STEEL MANUFACTURING" зауыты директорының орынбасары Даурен Арынов кәсіпорынның бірде-бір патрон шығармағанын мәлімдеді. Бір қызығы, ол осыған қарамастан, АҚШ-тың  Қазақстаннан 40 миллион тапанша патронын сатып алуға дайын екенін айтқан.

Оқи отырыңыздар: “Төртінші зауыт қажет емес”: Мұнайды Қытайға өңдемей сата береміз бе?

Жалпы, Қазақстанда ашылатын зауыттардың жарнамасы өзінен үлкен болатыны айтпаса да түсінікті. Осы уақытқа дейін президенттен бастап, облыс әкіміне дейін лентасын қиған кәсіпорындардың қаншасы жабылып, қаншасы сатылып кеткенін ойлаудың өзі қорқынышты. Алысқа бармай ақ, 2011 жылы дәл осы Қарағанды облысында «ҚазӘуеСпектор» зауыты пайдалануға берілген. Ол Ресейдің «Фермер» ұшақтарын құрастырады деп жоспарланған. Бірақ аты дардай кәсіпорын ақыр соңында бірде-бір ұшақ шығармастан жұмысын тоқтатқан...

Байланысты жаналықтар

БҰҰ Ресейге қарсы резолюция қабылдады. Қазақстан қалыс қалды

03.03.2022

Мусиннің құны 500 миллион доллар болатын жобасы Сбербанкке бұйырмады

25.03.2022

Зейнетақы жинағын енді алты компания өзара бөліседі

17.02.2021

Су тапшылығы: Қазақстан Қытаймен бірлесіп бөгет салмақ

04.05.2021

3 тамыздан бастап жұмыс істейін нысандар тізімі

28.07.2020

Мақтааралда екі премьер-министр құрылысты бастап кетті

10.05.2020
MalimBlocks
БҰҰ Ресейге қарсы резолюция қабылдады. Қазақстан қалыс қалды

БҰҰ Бас ассамблеясы Ресейдің Украинадағы басқыншылығын тоқтатып, әскерін шығаруды талап ететін резолюция қабылдады.

Мусиннің құны 500 миллион доллар болатын жобасы Сбербанкке бұйырмады

Қазақстан цифрлық даму министрілігі Сбермен жасалуы керек болған келісімді қайта қарамайтын болды. Бұл туралы министрлік БАҚ өкілдеріне берген ресми жауабында жазған.

Зейнетақы жинағын енді алты компания өзара бөліседі

Су тапшылығы: Қазақстан Қытаймен бірлесіп бөгет салмақ

3 тамыздан бастап жұмыс істейін нысандар тізімі

Мақтааралда екі премьер-министр құрылысты бастап кетті