АҚШ президенті Дональд Трамп Германиядағы консерваторлардың жеңісін «Германия мен АҚШ үшін ұлы күн» деп атады. Бұл туралы «Америка дауысы» жазды.
Трамп өзінің Truth Social әлеуметтік желісінде:
«Германиядағы консервативті партия өте маңызды сайлауда жеңіске жеткен сияқты. АҚШ сияқты Германия халқы да энергетика мен иммиграция мәселелерінен шаршады, олар жылдар бойы басым болды. Бұл – Германия мен джентльмен Дональд Дж. Трамп басқарып отырған АҚШ үшін ұлы күн. Барлықтарыңызды құттықтаймын – алда көп жеңіс күтіп тұр!», деп жазды.
Жексенбі күні Германияда оппозициялық консерваторлар ұлттық сайлауда жеңіске жетіп, Фридрих Мерц келесі канцлер болатын болды, ал «Германия үшін балама» (AfD) партиясы екінші орынға шығып, тарихтағы ең жақсы нәтижесін көрсетті.
Консервативті ХДС/ХСС блогы 28,5% дауыс жинады, AfD 20% дауыспен екінші орынға шықты, деп хабарлады ZDF телеарнасының экзит-полы.
канцлер Олаф Шольц жетекшілігіндегі Социал-демократтар (СДПГ) жеңіліс тапты, олар үшінші орында – 16,5%.
Иммиграция, үкіметтің жұмысын оңтайландыру және экономиканы қайта құру мәселелері АҚШ, Германия және басқа да Батыс елдеріндегі сайлаушылар үшін ортақ мәселе болып отыр.
Reuters/Ipsos жүргізген сауалнамаға сәйкес, MAGA қозғалысының негізгі сайлаушыларының басым бөлігі заңсыз иммигранттарды депортациялауды көбейтудің өздерінің келесі сайлауындағы маңызды фактор болатынын атап өтті. Бұл мәселе былтырғы президенттік кампанияның басты тақырыбы болды.
Барлық респонденттердің жартысынан көбі – 55%-ы депортацияны арттыруды қолдайтынын, ал 41% қарсы екенін айтты.
Фото: ВВС/GETTY IMAGES
