Бостандыққа шыққан Қайрат Нұртасты ата-анасы, достары және жанкүйерлерімен бірге қарсы алды. Оның бұл сәтін Otyrar.kz жариялады, деп хабарлайды Malim.kz.
Жұлдыздың өзі қолдау көрсеткен баршаға рахмет айтып, өзінде бәрі жақсы екенін айтты.
Ал әншінің анасы Гүлзира Айдарбекова өз сұхбатында, мұндай қиындықты ешкімге тілемейтінін жеткізді.
Ешқандай ананы баласымен сынамасын, деді Гүлзира Айдарбекова.
Естеріңізге сала кетейік, Қайрат Нұртас ұшақта төбелес шығарғаны үшін 15 тәулікке қамалған еді. Оқиға 4 шілдеде Алматы-Астана бағытындағы ұшақта болған. Қайрат Нұртас пен оның танысы Асылбек Бекқайыровтың арасында әуелі жанжал пайда болып, оның арты төбелеске ұласқан.
Фото: скриншот
