Президент Тоқаевтың жарлығын Ақорда жариялады. Мырзағалиев бұл қызметке осы жылдың 13 қаңтарында тағайындалған. Оның алдында 5 ай Энергетика министрі, 2 жыл Экология, геология және табиғи ресурстар министрі болған.
Кей саясаттанушылардың болжамына сүйенсек, ол ҚазМұнайГаз ұлттық компаниясының төрағасы болуы мүмкін. Үш күн бұрын бұл қызметті денсаулық жағдайына байланысты Алик Айдарбаев босатқан. Айта кетейік, Айдарбаев Жаңаөзендегі наразылық білдіруші мұнайшылардың алдына барып, ҚазМұнайГаздағы жұмыссыздық мәселесін толық шешуге қауқары жетпейтінін айтқан.
