АҚШ барлау мәліметтеріне сәйкес, Иранның зымыран арсеналының шамамен үштен бірі ғана жойылған, деп хабарлайды Malim.kz. DW-ге сілтеме жасап.
Дереккөздердің айтуынша, тағы үштен бір бөлігінің жағдайы нақты белгісіз: олар жойылған, зақымданған немесе бомбалау салдарынан жерасты нысандарында қалып қоюы мүмкін. Сонымен қатар Ирандағы ұшқышсыз ұшу аппараттарының да үштен біріне жуығы жойылған.
Соған қарамастан, Тегеранда әлі де шабуыл жасауға жарамды зымыран қоры жеткілікті екені атап өтіледі. Сарапшылардың пікірінше, соғыс аяқталған жағдайда Иран зақымданған қарулардың бір бөлігін қалпына келтіре алады.
Reuters мәліметінше, АҚШ Ирандағы зымырандардың нақты саны туралы ақпаратты жариялаған жоқ. Ал Израиль әскері бұған дейін Иранда 2500-ге жуық баллистикалық зымыран болғанын мәлімдеген.
