Қарағанды облысында ТЖМ құтқарушылары суға батып кете жаздаған ер адамды аман алып қалды, деп хабарлайды Malim.kz.
Оқиға Теміртау қаласындағы Песчаная коса ауданында орналасқан Самарқан су қоймасында болған.
112 пультіне қайықтың аударылып кеткені және ер адамның суға түсіп кеткені туралы хабарлама түскен. Оқиға орнына жедел жеткен құтқарушылар азаматты судан шығарып, медициналық тексеру үшін жедел жәрдем қызметкерлеріне тапсырды.
ТЖМ су айдындарына шығар алдында қауіпсіздік ережелерін сақтауға шақырды. Мамандар ауа райы болжамын алдын ала тексеріп, құтқару кеудешесін киюге, тек техникалық жарамды қайықтарды пайдалануға және қатты жел кезінде суға шықпауға кеңес береді.
