Алмас Кішкенбаев өзіне айып таққандарға жауап берді

Әнші Алмас Кішкенбаев өзіне қатысты ақпаратты жоққа шығарып, телеарналарды кінәлады, деп хабарлайды Malim.kz. 

Журналист Михаил Козачков өзінің Telegram арнасында 40 жас шамасындағы ер адам сыраға тапсырыс беріп, ішімдікті жеткізген курьерге тиіскенін және ол адамның аты Алмас Кішкенбаев екенін жазған болатын. 

Полиция департаменті мұны жоққа шығармады. Алайда әнші бұл іске өзінің қатысы жоқ екенін айтты.

Ашуланып отырмын. Ешкім қарамайтын сапасыз арналарға түрлісін шығарады. Оны халық көрмейді, олар инстаграмдағы анонсты көреді де, қорытынды шығарады. Мені кінәлап тастайды. Қайдағы біреу, қайдағы біреу демей-ақ қояйын, ол да адам баласы. Бірақ мен оны мүлдем танымаймын. Неге мен мүлдем танымайтын адаммен байланыстырады? деп ашуланды әнші.

Еске салайық, бұған дейін әнші Алмас Кішкенбаевтың жасөспірімге тиіскені үшін полицияға жеткізілгені туралы ақпарат тараған еді. 17 жастағы баланың айтуынша, сыраға шамамен 40 жастағы ер адам тапсырыс берген. Ол алкогольді алып, кейін курьерге бірге ішуді ұсынған. Оның үстіне, сол кезде ер адам 11-сынып оқушысының интимдік жағынан ұстап алған. Курьер дереу үйіне барып, әкесіне бәрін айтып, құқық қорғау органдарына хабарласқан.

Фото: ulysmedia.kz