«Байдың тұқымынан емес»: Мақпал Жүнісова неліктен өзінен 20 жас үлкен адамға тұрмысқа шыққанын түсіндірді
Әншіні оқырманы ақшаға қызығып тұрмысқа шықты деп айыптаған.
Халық әртісі Мақпал Жүнісова жеке өмірінен сыр шертті, деп хабарлайды Malim.kz.
Оқырмандардың бірі: «Мақпал мен Сембек жарасып тұр. Өзінен 20 жас үлкен адамға неге шықты екен?! Ақша мен атақтың буы шығар?! Жастық шағы өтіп, жалғыз қалу өте қиын. Мақпал, неге өзің сүйіп қосылмадың?» деп сұраған.
Өнер иесі бұл сауалды жауапсыз қалдырмады.
Ақша көрмей өсті дейсің бе?! Бала кезімнен молшылық пен баршылықты көріп өстім. Барлық қарттан ең көп бата алған баламын. Қарным тоқ, көйлегім көк болды. Қайда барсам да, ән айтып, қошеметке бөлендім, деп жазды әнші.
Одан кейін марқұм саясаткер Заманбек Нұрқаділовті де еске алып, оның бай отбасынан шықпағанын айтты.
Мен қызығып, тиіп алатындай Зәкең бай болған жоқ. Әкесі де дәулетті болмаған. Жалпы, ол әулет байдың тұқымынан емес. Бос әңгімені қайтесіңдер. Бақыттың бәрі ақшада емес, деді халық әртісі.
Фото: instagram.com/zhunusova.makpal
