Белгілі продюсер, актриса Баян Мақсатқызы қазақстандықтарды ұлттық киім күнімен құттықтады, деп хабарлайды Malim.kz.
Баян Алагөзова жариялаған суретте өзінен бөлек журналист Динара Сәтжан және мәдениет және ақпарат министрі Аида Балаева бар. Үшеуі де қазақы шапан киген.
«Бет-жүзді тұмшалайтын қара киімнен гөрі ұлттық киімдеріміз әлдеқайда артық» (Қ. Тоқаев). Ұлттық киім күні құтты болсын! – деп жазды продюсер.
Оқырман да қызу талқыға кіріскен. Бірі мұндай киімді күнде кию керектігін айтса, енді бірі сәлем салуға қарсы адамның ұлттық киім кигені түсініксіз деп жатыр.
Айта кетейік, елімізде наурызнама онкүндігі жарияланды. Ал 18 наурыз – Ұлттық киім күні.
Фото: instagram.com/bayanmaxatkyzy
MalimBlocks
