Бүркіттің отбасымен түскен видеосы көпшілікті тамсандырды
Оқырмандар әншіден мұндай видеоны жиірек жариялап тұруын сұраған.
Бүркіт лақап атымен танымал қазақстандық әнші Айбек Жансейітов Instagram-дағы парақшасында отбасымен түскен видеосын жариялап, көпшілікті сүйсіндірді, деп хабарлайды Malim.kz.
Кадрдан Бүркіттің дастархан басында ата-анасы, әйелі және балаларымен бірге ән айтып отырғанын көруге болады. Ал оның отбасы мүшелері өнер иесіне қосылып ән шырқап отыр.
«Алла әрбір отбасына қуаныш пен шаттық бұйыртсын! Үйдегі караоке», - деп жазды әнші видеоның астына.
Бұл видеоға қатысты оқырман қауым да жылы лебіздерін білдірген.
«Жарайсыңдар, міне, өмірдің нағыз құндылығы осы», «Сіздің отбасыңызға тамсанудан шаршамаймын», «Керемет, бақыт тілеймін», «Жайлы отырыс болған екен. Жиірек салып тұрыңыз», «Сондай үйлесімді жұп», - деп жазды көпшілік.
MalimBlocks
