«Еңіреп жылайтын»: Баян Алагөзова Ерке Есмахан туралы шындықты айтты
Әншінің табысқа жету жолы оңай болмаған көрінеді.
Қазақстандық танымал продюсер Баян Алагөзова тележүргізуші Дина Төлепбергенге сұхбат беріп, жан сырын ақтарды. Соның ішінде ол Ерке Есмаханның табысқа жету жолын айтып берді, деп хабарлайды Malim.kz.
Ерке Есмаханның табысқа жету жолы ұзақ болды. Ерке екеуміз қабырғаны тынбай бұзуға тырыстық. Маған келіп: «Баян Мақсатқызы, сіз Кәмшатты, Мөлдірді, Жанарды жұлдыз еттіңіз, неге менің жұлдызым жанбай-ақ қойды» деп күйзелетін. Сол кезде «Ерке, берілмеу керек, күт, уақыты келеді. Сенің балдай дауысың – Құдайдың сыйы. Оның бағаланбай қалуы мүмкін емес, тек күту керек» деп айтқанмын. Ол сөзімді растай алады. Үйіме келіп еңіреп жылайтын. Бірінші рет те, екінші рет те, одан кейін де талай рет тырыстық, ұзақ уақыт бойы көздегенімізге жете алмадық. Есесіне оның қалай ұшқанын көрдіңіздер, ол құдды зымырандай жарып өтті, - деді Баян Алагөзова.
Фото: youtube.com/@dina_tolepbergen
Байланысты жаналықтар
MalimBlocks
