«Күйеуі ашулы». Төреғалидың қарындасына белгісіз біреу 1001 раушан гүлін жіберген
Блогер отбасылы келіншекке бөтен адамдардан сыйлық қабылдау әбестік екенін айтады.
Әнші Төреғали Төреәлінің қарындасы, блогер Дина Төреәліге белгісіз біреу 1001 раушан гүлін сыйлаған. Мұндай сыйлық күтпеген Дина Төреәлі қиын жағдайда қалғанын айтады, деп хабарлайды Malim.kz.
Танымал блогер қызылордалық Ернар есімді жігітке тұрмысқа шығып, былтыр желтоқсан айында ана атанғаны белгілі. Дина Төреәлі өзіне гүлді құрбылары мен достары жіберген деп ойлаған. Алайда, гүлдің кімнен келгені жұмбақ болып шықты.
"Тәтті қыз, ертең 12:00-де аулаға шық. Бұл гүлдерді кім жібергенін көресің" , - делінген хатта.
Бейтаныс адам жіберген гүлді блогердің жолдасы үйіне кіргізуге рұқсат бермеді. Ол гүлді жеткізіп берген адамды сұрақтың астына алды.
"Күлейін ба? Жылайын ба? Мынау қалай кетті? Бойдақ күнімді еске түсіріп жіберді. Отбасылы адамға осындай нәрсе жіберіп не керек? Мен әдеттегідей қыздардан немесе дүкендерден келген сыйлық деп ойлап қалдым. Жолдасымның ойластырған пранкы емес. Оның реакциясынан өзім шошып кеттім", - деп пікір білдірді Дина Төреәлі.
Ашуға булыққан күйеуі гүлді алып кетуді талап еткен. Желі қолданушылары Дина Төреәліге жолдасы пранк жасап жатқанын айтады.
«Күйеуінің өзі ғой», «Өздері әдейі ұйымдастырып отыр-ау», «Қыздың жазуына ұқсайды, қыз жіберген шығар», - деп жазды блогердің оқырмандары.
Фото: instagram.com/tattti_kyz
