Мадина Сәдуақасова анасын туған күнімен ерекше құттықтады
Ол әні арқылы анасына деген бар махаббатын жеткізгенін алға тартты.
3 қазан күні танымал әнші Мадина Сәдуақасова әлеуметтік желіде анасын туған күнімен құттықтады, деп хабарлайды Malim.kz.
Әнші анасының да өнерге жақын адам екенін алға тартып, «Мама» әнінің маңызына тоқталып өтті.
Туған күніңмен, Мама! Негізі анамның өзі өнерге, әншілікке жақын, ақ жарқын мінезді, үнемі күлімдеп, жадырап жүреді, ортаны гүлдендіріп, жандырып жібереді. «Мама» деген әнде осы кісіге деген барлық сезімім, махаббатым тұр. Сондықтан болар «Мама» әні халықтың жүрегінен орын тапқаны.
Жүз жаса, Анашым! Ортамызда осылай құлпырып жүре бер! – деп жазды Сәдуақасова.
Оқырман қауым да әншінің анасына деген ізгі тілегін жеткізген.
«Анаңыз да сіз сияқты сұлу екен, ғұмырлы болсын!», «Жүз жасасын», «Жүзінен күлкі кетпесін», «Менің жақсы көретін әнім», - деп жазды көпшілік.
Фото: instagram.com/sadvakasovamadina
